أم هاجر

إدارة ينبوع المحبة
طاقم الإدارة
#1
٢٠١٨٠١١١_١٦١٦٠١-1.jpg

الشفلور من الخضر اللذيذة جدا شخصيا تعجبني كثيرا.

وكاقتراح قد يبدو غريبا أنجزت اليوم للغذاء فطائر بالشفلور بالإضافة إلى البطاطس، صراحة جات لذيذة بزاف فقررت نشاركها معكم في ينبوع المحبة.

المقادير:

كمية شفلور بحسب الموجود
بطاطس ويفضل أن يكون مناصفة نفس كمية البطاطس والشفلور
ثوم مفروم
معدنوس مفروم
زيت العود
ملح
فلفل أسود
كمون
خرقوم
فروماجة

الطريقة أسهل ما يكون:

نسلقو بطاطا والشفلور، طبعا كل حاجة على حدى ونفرموهم ونمزجوهم مع بعض ونضيفو باقي المقادير المعدنوس الملح الفلفل الثوم الكمون الخرقوم فروماجة

نمزجو مزيان ونشكلو كريصات ونخليوهم في الثلاجة

الصلصلة:
في إناء نمزجو شوية الدقيق مع بيضة وشوية خميرة الحلوة وشوية الزيت ونمزجوهم حتى نحصل على كريمة ثقيلة اللي نمزجو فيها الكريصات اللي وجدنا ثم نديروهم في لاشبلير ثم نقليوهم في الزيت ونقدمهم بالصحة والراحة.


 

المرفقات